Manam Kanipenchina song Lyrics ANR - Nagarjuna - Naga Chaitanya

చిత్రం - మనం
రచన - చంద్రబోస్
గానం - భరత్

కనిపెంచిన మా అమ్మకే అమ్మయ్యానుగా
నడిపించిన మా నాన్నకు నాన్నయ్యానుగా
ఒకరిది కన్ను ఒకరిది చూపు ఇరువురి కలయిక కంటి చూపు
ఒకరిది మాట ఒకరిది భావం ఇరువురి కదలిక కదిపిన కథ ఇది
ఇది ప్రేమాఅ ప్రేమా తిరిగొచ్చే తీయగా
ఇది ప్రేమా ప్రేమా యెదురొచ్చే హాయిగా..
ఇది మనసును తడిమిన తడిపిన క్షణము కదా. ఆ…
 
హ హా.. అ ఆ ఇ ఈ నేర్పిన అమ్మకు గురువును అవుతున్నా
హా అడుగులు నడకలు నేర్పిన నాన్నకు మార్గం అవుతున్నా
పిల్లలు వీళ్ళే అవుతుండగా ఆ అల్లరి నేనే చూస్తుండగా
కన్నోళ్ళతో నేను చిన్నోడిలా కలగలసిన యెగసిన బిగిసిన కథ
ఇది ప్రేమా ప్రేమా తిరిగొచ్చే తీయగా
ఇది ప్రేమా ప్రేమా యెదురొచ్చే హాయిగా..
ఇది మనసును తడిమిన తడిపిన క్షణము కదా.. ఆ…

ఆ కమ్మని బువ్వను కలిపిన చేతిని దేవత అంటున్నా
కన్నుల నీటిని తుడిచిన వేలికి కోవెల కడుతున్నా
జోలలు నాకే పాడారుగా ఆ జాలిని మరచిపోలేనుగా
మీరూపిన ఆ ఊయల నా హృదయపు లయలలో పదిలము కద
ఇది ప్రేమా ప్రేమా తిరిగొచ్చే తీయగా
ఇది ప్రేమా ప్రేమా యెదురొచ్చే హాయిగా.
ఇది మనసును తడిమిన తడిపిన క్షణము కదా.. ఆ…

న  న న న న న న .. ఆ… 


Movie - Manam
Lyrics - Chandrabose
Singer - Bharat

kanipenchina maa ammakE ammayyaanugaa
naDipinchina maa naannaku naannayyaanugaa
okaridi kannu okaridi choopu iruvuri kalayika kanTi chUpu
okaridi maaTa okaridi bhaavam iruvuri kadalika kadipina katha idi
idi prEmA prEmA tirigochchE teeyagaa
idi prEmA prEmA yedurochchE haayigaa..
idi manasunu taDimina taDipina kshaNamu kadaa. aa…
 
ha haaa.. a aa i I nErpina ammaku guruvunu avutunnaa
haa aDugulu naDakalu nErpina naannaku maargam avutunnaa
pillalu vILLE avutunDagaa aa allari nEnE chUstunDagaa
kannOLLatO nEnu chinnODilaa kalagalasina yegasina bigisina katha
idi prEmA prEmA tirigochchE teeyagaa
idi prEmA prEmA yedurochchE haayigaa..
idi manasunu taDimina taDipina kshaNamu kadaa.. aa…

aa kammani buvvanu kalipina chEtini dEvata anTunnaa
kannula neeTini tuDichina vEliki kOvela kaDutunnaa
jOlalu nAkE pADaarugaa aa jaalini marachipOlEnugaa
meerUpina  aa ooyala naa hRdayapu layalalO padilamu kada
idi prEmA prEmA tirigochchE teeyagaa
idi prEmA prEmA yedurochchE haayigaa.
idi manasunu taDimina taDipina kshaNamu kadaa.. aa…

na na na na na na na .. aaa… 

Seethamma Vakitlo Sirimalle Chettu Trailer and lyrics

సీతమ్మ వాకిట్లో సిరిమల్లె చెట్టు
సిరిమల్లె చెట్టేమో  విరగాబూసింది 
కొమ్మ కదలకుండ కొయ్యండి పూలు
కోసినవన్నీ సీత  కొప్పు చుట్టండి
కొప్పున పూలు గుప్పెటంతెందుకంది....  
కోదండా రామయ్యా వస్తున్నాడంది 

Ishq Movie Review - Nitin, Nitya Menon

ఇప్పటి వరకు నేను హీరో కోసమో,హీరోయిన్ కోసమో, డైరెక్టర్ కోసమో, కొన్నిసార్లు బ్యానర్ పేరు చూసి కూడా వెళ్ళాను. కానీ మొట్ట మొదటసారి కెమేరామెన్ పేరు చూసి సినిమాకి వెళ్ళాను. ఆ కెమేరామెన్ పి.సి.శ్రీరాం. ఆ సినిమా ఇష్క్. నితిన్, నిత్యామీనన్ నటించగా, విక్రం కె కుమార్ దర్శకత్వం వహించిన ఈ చిత్రాన్ని విక్రం గౌడ్ శ్రేష్ట్ మూవీస్ బ్యానర్ పై నిర్మించారు.
కథ విషయానికి వస్తే...ప్రేమించిన అమ్మయి ని పెళ్ళి చేసుకోవడానికి తనకి ఎదురైన కష్టాలని అనువుగా మార్చుకొని తన ప్రేమను గెలిపించుకొనే ఒక ప్రేమికుని కథ.
ఆకలితో పస్తులున్న వాడికి, పంచభక్ష్య పరమాన్నాలు దొరికితే ఎలా ఉంటుందో, ఒక మంచి సినిమా చూడటం కోసం ఎదురుచూస్తున్న నాకు ఈ సినిమా చూసాక అదే అనుభూతి కలిగింది. వెళ్ళింది పి.సి.శ్రీరాం ఫోటోగ్రఫీ కోసమే అయినా, ఈ చిత్ర కథ, కథనం(స్క్రీన్ ప్లే), నేపథ్య సంగీతం(బ్యాక్ గ్రౌండ్ మ్యూజిక్) నన్ను ఆద్యంతం కట్టిపడేశాయి. డైరెక్టర్ విక్రం.కె.కుమార్ తెలుగులో శ్రీయ మొదటి సినిమా ఇష్టం తీశాడు. తర్వాత హిందీలో 13బి లాంటి సినిమాలు తీసి మళ్ళీ తెలుగులో రీఎంట్రీ ఇచ్చాడీ సినిమాతో. సాధారణ ప్రేమకథే అయినప్పటికీ అద్భుతమైన స్క్రీన్ ప్లే తో కథ ని నడిపించిన తీరు ప్రేక్షకులని చూపు తిప్పుకోనివ్వకుండా చేస్తుంది. నితిన్, నిత్యామీనన్ ల క్యారెక్టర్లతో పాటు చెప్పుకోవలసిన మరొక పాత్ర అజయ్ ది.

అజయ్ పాత్రని మలచిన విధానం చాలా ఆసక్తికరంగా ఉంది. ఈ క్రెడిట్ అంతా విక్రం కే చెందుతుంది. నటీనటులను కావలసిన మేరకు ఉపయోగించుకున్నాడు. కావలసిన నటనను రాబట్టుకున్నాడు. మొత్తంగా డైరెక్టర్ గా సూపర్ సక్సెస్స్ అయ్యాడు విక్రం.

ఇక నటీనటుల విషయానికి వస్తే -

నితిన్....ఇదివరకు ఎప్పుడు హిట్ వచ్చిందో మర్చిపోయాడు నితిన్. ఎప్పట్లాగానే మంచి ఎనెర్జిటిక్ గా నటించాడు నితిన్. కొత్త హెయిర్ స్టైల్ తో....మంచి కాస్ట్యూంస్ తో...చాలా అందంగా కనిపించాడు నితిన్.

నిత్యామీనన్.....అందంతో పాటు సహజంగా నటించే మంచి నటి. ఈ సినిమాకి నిత్య ప్లస్ అయ్యిందనడంలో సందేహం లేదు.

తర్వాత చెప్పాల్సింది అజయ్ గురించి. విలన్ క్యారెక్టర్స్ లేదా హీరో కి ఫ్రెండ్ క్యారెక్టర్స్ వేసే అజయ్ ఒక మంచి క్యారెక్టర్ ఆర్టిస్ట్ గా ఈ చిత్రం లొ కనిపిస్తాడు.విలనిజం తో పాటు...చెల్లెలిని ప్రేమగా చూసుకునే అన్నగా, మంచివాడుగా మారిన కొడుకుగా, భాధ్యత గల భర్తగా నటించి ఈ చిత్ర విజయంలో కీలక పాత్ర వహించాడు. ఇది అతని కెరీర్ లో ఒక మంచి పాత్రగా మిగిలిపోతుంది.

ఇక...నాగినీడు,సుధ,సింధూ తొలాని మొదలయిన వాళ్ళంతా వాళ్ళ పాత్రల పరిధిమేరకు బాగానే నటించారు.

ఇక సాంకేతిక నిపుణుల విషయానికి వస్తే........

పి.సి.శ్రీరాం.....గీతాంజలి, ఘర్షణ(), నాయకుడు, ఖుషి లాంటి చరిత్ర సృష్టించిన చిత్రాలకు పని చేసిన కెమేరామెన్ ఆయన. ఒక చక్కని ప్రేమకథని హృద్యంగా తెరకెక్కించాలంటే, మంచి కథ తో పాటు కావల్సినవి రెండు.ఒకటి ఫొటోగ్రఫీ, రెండు సంగీతం. కథ నచ్చితేనే సినిమా ఒప్పుకునే పి.సి.శ్రీరాం...ఆ కథని తెరకెక్కించే దర్శకుడి హృదయాన్ని మరింత అందగా తెరమీద ఆవిష్కరిస్తారు. ఈ సినిమాలో ఆయన పనితనం, ఆయన మార్క్ ప్రతీ ఫ్రేం లోనూ కనిపిస్తుంది. ముఖ్యంగా గోవా ఎపిసోడ్ లో ఆయన వాడిన లైటింగ్స్,క్లోజ్-అప్ షాట్స్ అద్భుతం.
ఎడిటర్ శ్రీకర ప్రసాద్....ఎడిటింగ్ బాగుంది. ఎక్కువ నిడివి ఉన్నప్పటికీ ఎక్కడా అనవసరమైన సన్నివేశాలు లేవు.మ్యూజిక్ డైరెక్టర్ అనూప్ రూబెన్స్....ప్రేమకావాలి చిత్రం తో ఫాంలోకి వచ్చిన అనూప్ తెలుగు లో మంచి భవిష్యత్తు ఉన్న సంగీతదర్శకుడు. ఒక మంచి ప్రేమకథకి కావల్సిన నేపధ్యసంగీతంతో పాటు చక్కని పాటలు కంపోజ్ చేసాడు. తెలుగులో దూకుడు మీదున్న మ్యూజిక్ డైరెక్టర్స్ కంపోజ్ చేసే పాటల్లో...లిరిక్ స్టార్ట్ అయ్యిందో లేదో తెలియకుండా వాయిద్యాల హోరు లో సాహిత్యం కొట్టుకుపోయే పరిస్థితి. కాని అనూప్ పాటల్లో వినసొంపైన మ్యూజిక్ తో పాటు లిరిక్ కూడా చక్కగా వినిపిస్తుంది. లచ్చమ్మ, సూటిగా చూడకు, చినదానా పాటలు చక్కని బాణీలతో పాటు పి.సి.శ్రీరాం కెమేరా కూడా తోడు కావడంతో ప్రేక్షకులకి కనులవిందు...వీనులవిందు.చివరగా...రెండున్నర గంటలు హాయిగా నవ్వుకుని, సినిమా ముందు ఏవన్నాబాధలుంటే సినిమా చూసాకా వాటిని మర్చిపోతారు. నేను హామీ.

First Look of Balakrishna in Sri Rama Rajyam

Kandireega Movie review - Ram, Hansika, Aksha

రామ్, హన్సిక, అక్ష నాయకానాయికలుగా, శ్రీ సాయి గణేష్ ప్రొడక్షన్స్ పై బెల్లంకొండ సురేష్ నిర్మించిన చిత్రం "కందిరీగ". ఈ చిత్రం ఈ శుక్రవారం విడుదలైంది.

ఒక హుషారైన కుర్రాడు తన తెలివితేటలను ఉపయోగించి తనకెదురైన అడ్డంకులను అధిగమించి ఎలా తన ప్రేమను గెలిపించుకున్నాడన్నదే ఈ చిత్ర కథ.

ఇది ఒక ఫక్తు కమర్షియల్ చిత్రం. కొత్తదనమనేది ఇసుమంతైనా లేకుండా ఉన్నప్పటికీ...రెండున్నర గంటలు హాయిగా నవ్వుకొనే చిత్రం. ప్రతీ సీన్ కూడా ఎక్కడో చూసినట్టూ....ముందే ఊహించేటట్టు ఉన్నప్పటికీ...కొన్ని ట్విస్ట్ లు మాత్రం బాగా పేలాయి.

ఇదివరకు రామ్ నటించిన రెడీ చిత్ర పోలికలు...ఆ హడావిడి ఈ చిత్ర ద్వితీయార్ధంలో లో కనపడతాయి.....రామ్ ఇంట్లో ఉన్న వాళ్ళందరినీ అయోమయానికి గురిచేస్తూ తన ప్రేమను గెలిపించుకోవటం...

నూతన దర్శకుడు సంతోష్ శ్రీనివాస్ ఈ చిత్రానికి దర్శకత్వం వహించాడు. ఫస్ట్ హాఫ్ చాలా విసుగు తెప్పించాడు దర్శకుడు. స్క్రీన్ ప్లే కూడా చాలా బలహీనంగా ఉండటంతో ప్రేక్షకులు అసహనానికి గురవుతారు. అయితే రామ్ చేసిన ఫైట్స్, డాన్స్ ఈ చిత్రానికి బి,సి సెంటర్స్ లో మంచి స్పందన తీసుకురావడం ఖాయం. రామ్ తర్వాత చెప్పుకోవలసింది ప్రతినాయకుడిగా నటించిన సోనూసూద్ గురించి. అప్పుడప్పుడు నత్తి వచ్చే సన్నివేశాలు ప్రేక్షకులని కడుపుబ్బా నవ్విస్తాయి.

ఇంటర్వెల్ తర్వాత దర్శకుడు సంతోష్ శ్రీనివాస్ అన్ని విభాగాల్లోనూ తన ప్రతిభను చూపించాడు.

చిత్రం సెకండాఫ్ లో ఉన్న చాలా పెద్ద తారాగణాన్ని సరైన విధంగా ఉపయోగించుకుంటూ ఎటువంటి అయోమయానికీ గురికాకుండా కథను నడిపించటంలో దర్శకుడు సఫలీకృతుడయాడు. ముఖ్యంగా సోనూసూద్, అక్ష ల మధ్య ప్రేమ సన్నివేశాలకి ధియేటర్ లో మంచి స్పందన వస్తుంది.

రాజేంద్ర కుమార్ వ్రాసిన తెలంగాణా యాసతో కూడిన డైలాగులకు ధియేటర్లో వచ్చిన స్పందన అంతా ఇంతా కాదు.దానికి ఇంకో కారణం ఆ డైలాగులు ఏ విలన్ వో , కమెడియన్ వో అయితే విశేషం ఏమీ లేదు. ఈ సినిమా లో సెకండ్ హీరోయిన్ గా నటించిన అక్ష చెప్పే డైలాగ్స్. మొత్తంగా రాజేంద్ర కుమార్ మాటలు ఈ సినిమా విజయంలో కీలక పాత్ర పోషించాయి.

ఇక నటీనటుల విషయానికి వస్తే...

రామ్ ఎప్పటిలానే హుషారైన నటనతో పాటు....డాన్స్, ఫైట్స్ లోనూ తన సత్తా చాటాడు. తనకి కొత్తగా చేయడానికి ఏమీ లేదు ఈ సినిమాలో. ఎప్పటిలానే....విలన్ గ్రూప్ ని బకరాలను చేసి ఆడుకునే క్యారెక్టరే కాబట్టి నేను ఇంతకంటే ఏమీ చెప్పలేను రామ్ గురించి.

ఇక హీరోయిన్ హన్సిక....ఈ అమ్మాయి మొదటి సినిమా దేశముదురు... ఆ రోజుల్లో కేవలం హన్సికను చూడటానికి రెండు, మూడు సార్లు చూసిన ప్రేక్షకులున్నారు ఆంధ్రప్రదేశ్ లో. ఆ తర్వాత తమిళ పరిశ్రమకి వెళ్ళిపోయింది. అక్కడ అరవం సాంబారు బాగా లాగించిందో ఏమో గానీ....వామ్మో...కందిరీగ లో ఉన్న హన్సిక రామ్ కి డబుల్ అయిపోయింది.

ఈ సినిమాకి తను మైనస్ పాయింట్. రామ్ తో మస్కాలో నటించిన హన్సికకు, ఈ చిత్రంలో ఉన్న హన్సికకూ పోలిక లేకుండా ఉంది. మొత్తానికి రామ్ ప్రక్కన ఈ చిత్రం లో చాలా ఎబ్బెట్టుగా కనిపించింది. గ్లామర్ మొత్తం పోయి నమితలా తయారయ్యింది. నటన పరంగా మామూలే.

అక్ష....సెకండ్ హీరోయిన్ అయినా ఎక్కువ నిడివి ఉన్న పాత్రే. తన తెలంగాణా డైలాగులతో ప్రేక్షకులను ఆకట్టుకుంది.

ఇక జయప్రకాష్ రెడ్డి, చంద్రమోహన్, శ్రీనివాస రెడ్డి, ఎం.ఎస్.నారాయణ తదితరులంతా మామూలే.

మ్యూజిక్ డైరెక్టర్ ఎస్.ఎస్.థమన్. అసలు ఈ సారుకి పెద్ద పెద్ద సినిమాలలో అవకాశాలు ఎలా వస్తున్నాయో అర్దం కావట్లేదు. ఆ డప్పుల దరువేంటో.....ఆ గోలేంటో....పాట ఒక్క ముక్కా అర్దం కాదు. ఈ సినిమాలో కూడా అంతే. ఒక్క పాట అర్దం అయ్యేట్టు ఉంది. పోనీ బ్యాక్ గ్రౌండ్ మ్యూజిక్ అయినా బాగుంటుందా అంటే అదీ అంతే. థమన్ సారూ...మా మీద దయఉంచి ఆ డప్పుల దరువు ఆపెయ్యండి సారు.

సినిమాటోగ్రఫి, ఎడిటింగ్ బాగానే ఉన్నాయి.

చివరగా.....

పక్కా కమర్షియల్ సినిమా. కుటుంబసమేతంగా వెళ్ళి చూడదగ్గ చిత్రమే. అంతే కాకుండా మాస్ ప్రేక్షకులు ఇష్టపడే అన్ని అంశాలూ ఉన్నాయి. కాబట్టి కాంచనతో హిట్ కొట్టిన బెల్లంకొండ సురేష్ కి ఈ సినిమా కూడా కాసుల పంట కురిపిస్తుంది అనటంలో ఏ మాత్రం సందేహం లేదు.

First Look of Venkatesh in Ganga-The Body Gaurd

This is the first look of Venkatesh in Ganga - The Body Gaurd movie. It is the remake of Malayalam movie Body Gaurd. Trisha is the leading actress in this movie. Gopichand Malineni is the director and Bellamkonda Suresh is producing this movie.

Mahesh In Politician Getup

The below picture is showing Mahesh Babu in politician get up. This get up is from Dookudu movie. In Dookudu, Mahesh is playing as Police. Fans are assuming that Mahesh is coming as politician also besides the cop role.

Anyhow, this new look is attracting the fans as well as audiences also.